Algunhas novidades e recomendacións

Expondremos en breve a mesa de novidades para que poidades levar os préstamos de verán. Esperamos que sexan do voso agrado. Lembrade  tamén que non só de novidades viven os bos lector@s e que tedes unha ampla oferta ao voso dispor.

 

 

 

Adeus á libraría Michelena

Se a alguén de Pontevedra de toda a vida lle din que vai desaparecer a Peregrina, ou a Ferraría ou o Lérez non o podería crer. Pois así estamos  porque a Libraría Michelena vai pechar xa. Para moitos e moitas era máis que unha libraría onde mercar ou encargar libros. Era un espazo de referencia, un lugar ao que tiñamos que acudir frecuentemente para falar, para mirar, para deixarnos aconsellar, para ver amigos, para tocar as novidades. Antes dunha viaxe había que pasar por alí para mirar cal era a mellor guía e cal novela estaba ben para levar. Tamén cando había que agasallar con libros, dicías idade e gustos do destinatario e xa che poñían na man varias posibilidades. Xa non digamos se tiñas meniños, ala, a Michelena para que sentasen alí na entrada (porque os libros infantís estaban na entrada como ten que ser) e se deixasen levar polos mundos da fantasía. Coa cidade que temos os pontevedreses para pasear, ir de terrazas, mercar… pasabas polos arredores e entrabas en Michelena: a ver que acto cultural había, que libro saíra ou mesmo que era de fulanito que hai que non o vías. Para todo había resposta. Calquera libro que pediras tomaban nota nunha libreta e milagrosamente aparecería en poucos días. E mesmo se tiñas tempo e te atrevías podías adentrarte polo longo corredor e descubrir mundos de libros ata chegar á fiestra que dá a Curros Enríquez. E moitas cousas máis.

O vaso derradeiro estaba cheo de despedidas (Manuel Antonio)

Será a crise? Será o libro dixital? Será o desprezo da cultura? Que será o que acabou coa libraría Michelena levándose un anaquiño de cada un de nós? Desde Mesturas convidamos os amigos e amigas a que manifesten as súas sensacións ante esta perda indicando o lugar desde onde nos mandan as condolencias. Graciñas

Fotogafía tomada hoxe

Roteiro polo Sánchez Cantón

A partires de agora temos este Roteiro polo Sánchez Cantón para que teñades algo máis  información sobre a organización interna dun centro de ensino secundario, neste caso o noso. Pensamos que é a obriga de todos os membros da nosa comunidade educativa coñecer ben, coidar e potenciar  este espazo onde pasamos unha boa parte das nosas  vidas. As institucións educativas  son una das bases sobre as que construimos día a día o concepto de cidadanía no que cremos profundamente. 

MercaArsConstructor

Rematamos unha edición máis de MercaArs Constructor, unha das nosas actividades favoritas . Queredes curiosear polo curso Moodle e ver algúns dos materiais propostos e o foro de discusión? Só tedes que entrar aquí como convidados. Cando rematedes a visita probablemente teñades algunhas respostas ás nosas preguntas.

• Quen determina que algo é unha obra de arte?
• Existe un gusto de clase, é dicir, un xuízo de valor común aos individuos dunha mesma orixe ou dun mesmo panorama social?
• O gusto Kitsch revela a posición social de quen o posúe?
• Tod@s temos necesidades estético-artísticas ou só algunhas persoas necesitan unha relación coa arte?
• Hai institucións que fan negocio coa arte? Cales?
• Hai algún tipo de creador que sexa libre respecto ás institucións que transforman a obra de arte en diñeiro?
• Que pasa cando as chamadas artes primarias abandonan o seu lugar de orixe, a aldea, o asilo, o taller do xubilado... para ser instaladas nun museo?
• Que quere dicir a afirmación de que o museo é unha fábrica de arte?
• Como evitar estar sometidos á tiranía dos xuízos dominantes e oficiais en cuestión de arte?
• Que pretende a clase dominante coa súa propaganda cultural, crear artistas e escritores ou lectores e admiradores?
• Que función teñen @s galeristas, directores de museos, crític@s de arte, comisari@s de exposicións?
• En que momento un mexadoiro pode converterse nunha obra de arte?
• Que distingue o urinario de Duchamps de calquera outro fabricado?
• Unha reprodución fotográfica da Gioconda é unha obra de arte? E unha reprodución dunha foto de Ouka Leele?
• O fabricado industrialmente pode ser unha obra artística?
• Na arte todo está permitido?
• A producción artística ten que estar sometida a normas morais?
• É máis importante a obra rematada ou o proceso de realización da mesma?
• A arte debe estar ao alcance de todos, é dicir, ten que ser popular e non de élite?
• A arte de masas, tamén chamado arte espectáculo perde calidade?
• As persoas nacen ou se fan artistas?
• Que actividades son consideradas hoxe arte e non o serían na antigüidade? Cales das consideradas noutro tempo arte non o son agora?
• Que funcións ten a arte?
• Que é a arte dixital?
• Que nos referimos coas expresións forma e contido dunha obra de arte?
• De onde provén a arte segundo Freud?
• A arte ten máis valor cando é unha reprodución fiel da realidade?
• Cal é a diferencia entre arte e artesanía?

Encantounos a sesión final na biblioteca na que todos os participantes tiñan preparada a súa proposta de Obra de Arte e viñan perfectamente documentados para defendela.

Estas son as vosas propostas cun breve resumo das xustificacións.  Parabéns a todos e todas. Creo que aprendemos moitísimo no proceso.

Xardíns efémeros

Chegou a primavera a Pontevedra, mais non vaiades pensar que vai durar sempre, que va! é efémera e por iso os nosos munícipes concertaron con 5 empresas do mundo dos xardíns que puxesen bonitas 5 prazas da cidade (e gratis polo da crise). E este é o resultado: cinco xardíns efémeros que van durar 5 días.

A pel como soporte

Falando de Arte na biblioteca,  gustounos a definición que deu Laura o outro día do que para ela é unha persoa tatuada. Dixo algo así como que esas persoas eran como libros nos que ían escribindo aos poucos as histoiras das súas vidas coa pel como soporte. Esta entrada de Mesturas é para ti, Laura, para ver se es capaz de intuír que vida, real ou desexada, intentou escribir este profesor xubilado de Sidney que pediu doar a súa pel á Galería Nacional de Canberra despois da súa morte. (Photo by Lisa Maree)

Escoitemos a Jose Luis Sampedro

 

Mulleres de Vide

Onte coñecemos ás mulleres de Vide e realmente non sabemos que dicir sen caer en tópicos  pouco afortunados propios de quen chega de visita nunha tarde case demasiado perfecta para evitar o risco de análises  demasiado simplistas. Non imos falar da realidade destas mulleres que apenas somos quen de intuir pero si da súa xenerosidade ao dedicarnos unha tarde enteira do seu prezado tempo e cantar e bailar para nós. É imposible despedir a estas mulleres sen ter a sensación de ter asistido a un espectáculo privilexiado de gaitas e pandeiretas que falan de proxectos compartidos capaces de conseguir que calquera realidade, por dura que sexa, pódese volver máis luminosa se somos quen de aprender a coidar os uns dos outros. 
Da nosa anfitriona Sabela Lahuerta e da súa compañeira e  amiga Lurdes, que imos dicir. Toda nosa a admiración e afecto máis sinceiros. A visita á unitaria de Vide debería ser obrigatoria para todos os docentes.

Só hai que pasar de cando en vez polo  seu blog Cadernos de Vide para ter unha vaga idea do que alí cociñan día a día. Porque neste caso a realidade supera sobradamente o que o blog deixa intuír. Grazas a Loly polas imaxes que vos mostramos.

Catalá Roca en Vigo

Aínda estades a tempo, ata o 30 de maio na fundación Pedro Barrié de la Maza.

“A obra de Francesc Catalá-Roca (1922-Barcelona 1988) constitúe a pedra angular da fotografía documental en España. Ninguén coma el soubo intuír primeiro e construír despois un discurso pleno de autenticidade, fe e consciencia na linguaxe das imaxes destinadas a recoñecer e recoñecernos.”

É totalmente certo. Unha exposición inolvidable. Por certo moi recomendable para eses rapaces e rapazas que andan metidos en Merca Ars Constructor.

 

“Señoritas paseando por la Gran Vía”

“Marineros de visita al barrio chino”

“Tahona en la frontera”

Prós novos que vein con forza

Desde logo que a xente galega lle quere ben á súa lingua, polos menos esas decenas de miles que non cansan, que se manifestan cada pouco en Santiago ateigando o Obradoiro e a mesma cidade. Tampouco cansa a nosa Xunta en teimar co Decreto de Bilingüismo por moito que todos os que consultou lle respondan que non pode ser así: a RAG, o Consello da Cultura, o Consello Escolar, case todos os sindicatos e partidos políticos; e por último ese demoledor informe do Consello Consultivo que bota abaixo a consulta aos pais e o meter o inglés polo medio. Farán caso algunha vez a todos os que non son Galicia Bilingüe?.  O mellor, como se ve no You Tube, é a morea de xente nova que había, festeiros e protestóns. Di Uxío Novoneira nun seu verso: prós novos que vein con forza. E non se engana. O futuro da lingua está neles... sábeno e onte mostrárono.

DEZASETE DE MAIO. DÍA DAS LETRAS GALEGAS

Un cartel para o día das letras Galegas?
Que non caia nos tópicos? 
A ser posible que recolla os nosos intereses? 
Con estética nova e fresca?

Estasnos a pedir moito!!!! -pensamos todos nós, o alumnado de TIC, cando se nos fixo esta encomenda na clase.
Tiñamos que conseguir imaxes, mellor sen copyright, referentes ás artes que usan as palabras para crear  a cultura que define Galicia. Esta é máis que catedrais, máis que gaitas, máis que os xa consagrados autores. Costounos máis do esperado darnos conta que o teatro actual, as letras das cancións de todos os estilos musicais, as bandas deseñadas, as películas  e mesmo os nosos escritos conforman a riqueza cultural da sociedade galega e garanten a súa pervivencia no tempo, iso que chaman o relevo xeracional.
Si pero, como se mete iso nun cartel?
Por sorte tiñamos dous soportes, un, o tradicional papel, outro, un poster dixital, deses que teñen realidade na web e que suman imaxes, vídeos, sons.
O proceso foi daquela maneira. Un día ben, outro regular, un día tiñamos unha boa idea, e só era cuestión de controlar a técnica para facela efectiva. Outros días.... mellor non falar.
Resultou que a forma de traballo colectivo deu en resolver algún dos problemas: mentres un suxería unha cor ou estrutura diferente, outro buscaba ligazóns para contar con información complementaria, e unha cousa levaba á outra.
Coñecer as ferramentas informáticas é sen dúbida un apoio instrumental que favorece a creación. Niso estamos. Crear, imaxinar, deseñar o noso futuro cultural e vivencial.

Álvaro Caride-Tabares Sánchez
1º Bacharelato A
IES Sánchez Cantón
Pontevedra

Open publication - Free publishing - More biblioteca

Sara e Raquel ofrécenvos este cartel dixital agrandar	María comparte este outro agrandar
Benito e Álvaro fixeron isto para vos agrandar	Aquí tedes un regalo de Alejandro S. e Alberto agrandar

Cartel dixital ofrecido por Tanis e Javier agrandar	Iván e María crearon este cartel musical agrandar
Miguel e Javier idearon este agrandar	Aquí tedes un regalo de Antonio e Ismael agrandar

Cartel dixital ofrecido por Rodrigo e Óscar agrandar	Sabela e Zaida realizaron este poster agrandar p>
Manuel ideou este agrandar	Aquí tedes unha creación de Toni e Eloy agrandar

Glog ofrecido por Ana e Ester agrandar	Alejandro F. e Martín amósannos agrandar
Adrián e David ofrecen agrandar	Creación de Alejandro C. e Diego agrandar
Fran traballou neste agrandar	Grazas a Álvaro gozamos deste poster agrandar

Que vai pasar na biblio o día 18 ?

 

 

 

 

Letras Galegas VII. Os poetas máis pequenos

Isto contan desde a biblioteca Escolar de Milladoriro. Malpica. Non podemos pechar esta escolma de materiais de tantos centros sen ter a sorte de gozar destas creacións.

“Estes foron os poemas que crearon os nenos e nenas de 6ºB a partir de un que escolleron de entre os de Os Eidos que fan referencia a estancias da casa.
Sorprendente a capacidade de creación. Sorprendente a búsqueda que fixeron nos seus sentimentos para poñerse en situación, para trasladarse emocionalmente.
Foi un placer estar estes días sumerxidos no mundo novoneyrano, volver a vista hacia dentro.
Propóñovos que os leades con atención. Son moi bos!”

 

Open publication - Free publishing - More poesia

Letras Galegas VII

E para rematar a escolma de materiais en torno a figura de Novoneyra queremos destacar moi  especialmente este documento do alumnado do ciclo de Agraria do IES de Arzúa. Non imos definir un traballo que non o precisa. Parabéns ás persoas que o fixeron posible.

Open publication - Free publishing - More novoneyra

Un agradecemento aos compañeir@s do ENL do CPI O Progreso de Catoira polos materiais que utilizamos formando parte da nosa decoración para a celebración das Letras no centro.

UXÍO NOVONEYRA

View more presentations or Upload your own.

E  a recomendación de visitar a páxina da Asesoría de Bibliotecas Esolares de Galicia para ver maís materiais, entre eles o fermoso calendario do CPI Luís Díaz Moreno, de Baralla (Lugo)

Letras Galegas VI

Desde o IES  Poeta Díaz Castro de Guitiriz chega esta interesante información acerca do documental

TEMPO DE ELEXÍA
MARÍA MARIÑO, ENTRE EUGENIO NOVO E NOVONEYRA

Tamén este traballo colaborativo das BIBES Galegas, neste caso da Biblioteca Escolar de  Vilán IES pedra da Aguia  e a do Segrel do Penedo en Fene.

E tamén dende o IES Afonso X O Sabio (Cambre) nos chega este libro que entregarán ao alumnado con motivo do Día das Letras

E a Webquest Uxío Novoneyra, traballo conxunto do Segrel do Penedo e BiblioAfonso.

Delio do CPI "Luís Díaz Moreno"-Baralla envía esta postal sonora con fotos do pobo de Novoneyra (Parada) e poemas seus referidos a ese tempo. O poema  "Fontiña do Carabel", na última diapositiva,  está musicado polo coro “Sólo voces” . É un fermoso agasallo.

Poemas do outono

View more presentations or Upload your own.

Letras Galegas V. Poemas á rúa

Escolma poética elaborada polo alumnado e profesorado participante na actividade "Poemas á Rúa" que terá lugar o vindeiro venres, 14 de maio, na Plaza do Concello de Fene con motivo da celebración do Día das Letras Galegas. Damos as grazas aos amigos do Segrel.

Letras Galegas IV. Novoneyra e a memoria histórica

Isto é o que relata Delio, o coordinador do CPI "Luís Díaz Moreno" de Baralla para introducira súa magnífica presentación:

“Desde neno escoitei unha historia aterradora que,  corenta anos despois,  Uxío retoma para facer un romance: "Manoel de Ribadaira" e así recuperar a memoria histórica. Como en moitos lugares de Galicia, e non só de Galicia, no Courel tamén se practicaban "paseos" contra aquelas persoas que estaban baixo sospeita. Manoel Cela foi unha delas.

No noso "cole" fixemos un traballo sobre este poema. Dividímolo en secuencias e unha compañeira do equipo de biblioteca fixo as ilustracións. Con ese material fixemos unha exposición. Para compartilo con vós, elaboramos esta presentación:”

manoel de ribadaira

View more presentations or Upload your own.

Letras Galegas III

Outra escolma de poemas e imaxes en Biblioiris, a bitácora dos nosos bos veciños do IES Luís Seoane

LETRAS GALEGAS 2010

See more presentations by Biblioiris | Upload your own PowerPoint presentations

LETRAS GALEGAS II

Desde Moaña, concretamente desde o CEIP de Quintenla, chega esta fermosa presentación de poemas para recitar.

.

Open publication - Free publishing - More poemas

Letras Galegas I

Este curso celebraremos o Día das Letras Galegas dun xeito diferente. Ademáis das actividades organizadas polo ENDL das que iremos dando información durante os vindeiros días,  e dos eventos ao redor da iniciativa “Ben veñas Maio” imos celebrar un acto moi especial na biblioteca. Por qué “especial”? preguntaredes. Pois porque será un acto enteramente voso, onde un grupo de alumnado mostrará o que sodes capaces de facer e de crear desde as nosas proprias raíces e desde a nosa cultura que é única e irrepetible.

Polo momento imos comezar a publicación dunha serie de materiais sobre o poeta Uxío Novoneyra aos que temos acceso grazas, unha vez máis a xenerosidade das bibliotecas integradas no PLAMBE.

Dende o CEIP de Pazos (Ferrol), Chispa achéganos este fermoso cartel con motivo do Día das Letras.

Minas, montañas sagradas e os personaxes de Avatar na India

Non deixedes de ver este interesantísimo video realizado pola ONG Survival que denunciou ante James Cameron a ameaza que representa a empresa Vedanta para os indíxenas Dongria Kondh que habitan a zona, dende tempo inmemorial, en perfecta integración co seu entorno.

A historia apareceu hai pouco en Público

O video ten unha excelente calidade. Pódese, máis ben, recoméndase que o vexades en pantalla completa.

 

El orden de las cosas

Fonte “El País”

“Este año, y según datos del Ministerio de Igualdad , 23 mujeres murieron en España como consecuencia de la violencia machista. Una tragedia a la que el corto de esta semana, El orden de las cosas de los hermanos Esteban Alenda , se acerca con sorprendente originalidad. Premiado en la Semana de Cine de Medina del Campo con su 1º premio y de próxima proyección en el Short Film Corner del Festival de Cannes, esta pieza apuesta por la abstracción para hablar sobre el orden que permite la violencia de género. Protagonizado por la actriz Manuela Vellés y rodado en seis días en localizaciones de Cádiz y Madrid, 'El orden de las cosas' logra hablar de un tema espinoso con inusitada sutiliza y fuerza.

 PODEDES VER A CURTA COMPLETA NESTA LIGAZÓN
La actriz Manuela Vellés en una escena del cortometraje 'El orden de las cosas' de los Hermanos Esteban Alenda- FOTO PROMOCIONAL

Todo empezó con una llamada", cuenta José Esteban, la mitad del tándem con su hermano César. "Una llamada telefónica por error que pedía ayuda. Y de eso va el corto. De pedir ayuda en silencio." Una mujer. Su entorno. La tradición. Y el hombre, claro. Los vértices de la violencia machista aparecen representados simbólicamente para construir una angustiosa espiral que la protagonista consigue romper escapando de ese orden impuesto, auto-impuesto, violento. Una nota de optimismo para un corto demoledor y sobrecogedor. Pero también emocionante”

Aurelio Arteta e Bilbao-New York-Bilbao de Kirmen Uribe

Os que xa coñecedes a interesante obra de Uribe comprenderedes, sen dúbida, a nosa curiosidade  polos cadros de Arteta desde o mesmo momento que comezamos a ler esta novela que foi merecedora do Premio Nacional de Narrativa. Pois ben, estes son algúns exemplos  representativos.

Francisco Castro visita o centro.

A Biblioteca e o Departamento de Lingua Galega e Literatura organizaron hoxe un coloquio no Paraninfo do Sánchez Cantón co escritor Francisco Castro. O alumnado de 4º da ESO lera Un bosque cheo de faias preivamente. O autor explicoulles o tema da obra, por que a escribiu, en que se inspirou e outros detalles. Xurdiron vairas preguntas do público: en que cidade se ambienta, existe o bar citado na novela? ... Francisco Castro ata lles mostrou en rigorosa primicia a maqueta da súa próxima novela. A xente saíu moi contenta do coloquio, vese ben que o Autor é un excelente comunicador e acostumado a tratar coa xente nova.

Neste mes das Letras Galegas haberá máis actividades organizadas por Normalización Lingüística, a Biblioteca e TICS.

La rubia de Pinos Puente

Paga a pena dedicar un cuarto de hora a esta agridoce curta de Vicente Villanueva. Se tedes un pouco de tempo non vos arrepentiredes.

La rubia de Pinos Puente, na súa versión completa, na sección de videos de El País.