Ferramentas da web 2.0 no Sánchez Cantón

Están son as que máis nos gustan e as que máis utilizamos polo momento. En todas elas hai ligazóns ás correspondentes páxinas e tamén exemplos de documentos elaborados no centro. Esperamos que esta escolma sexa de utilidade.

Soundcloud: música na nube

Gústanos esta ferramenta para compartir sonidos na nube. Moi doada de utilizar, cun reproductor moi orixinal e participativo.

SoundCloud é unha rede socialque proporcionan canles para a distribución de música e sons. SoundCloud analiza a canción e a súa onda sonora, co obxectivo de que calquera que a estea escoitando poida deixar o seu comentario nun momento determinado do audio.
Este reproductor pódese inserir en páxinas webs ou noutras redes sociais de modo que cando se fai unha actualización en SoundCloud aqueles sitios que enlacen o reproductor quedarán actualizados.

Lovely Day [LNTG Remix] by Late Nite Tuff Guy

Type in motion: A visita.

Por fin realizamos a visita á exposición que tanto nos gusta. Pasamos unha mañá moi agradable que rematamos coa realización por parte do alumnado do título da película “Resacón en Vigo” utilizando a técnica de Stop motion. Podedes ver varios resultados no blog da exposición. Foi moi divertido e aprendemos moito. De ida en bus, de volta no tren. Transporte público, como debe ser.

.

.

Esta é a animación Slow Motion para os créditos da fascinante “Resacón en Vigo” que esperamos ver algún día.

Estes son só algúns dos exemplos dos materiais que podedes ver na mostra

"Subterranean Homesick Blues" é unha canción composta polo cantante estadounidense Bob Dylan. Foi incluída no álbum Bringing It All Back Home, editado o 22 de marzo de 1965. Esta canción inspirou, xa en 1965, un dos primeiros vídeoclips da historia da música, no cal Dylan exhibe carteis con distintas palabras e frases da canción. Durante o episodio, o poeta Allen Ginsberg fai un cameo. Wikipedia.

Un vídeo clip feito exclusivamente con tipografía? Pois si.  En The Child,  Alex Gopher pon a música e Antoine Bardou-Jacquet o deseño. A curta conta a historia do traxecto dunha parella ata o hospital onde ela dará a luz despois dunha accidentada viaxe pola cidade onde cada elemento está representado tipográficamente. Unha preciosidade.

Ludorama é unha reflexión, unha mensaxe crítica cara ás nosas formas de consumo. Calquera que vexa  todos estes logos, máis de 2.000, inmediatamente sabe de que marca estamos a falar e o que esas marcas significan. É alucinante decatarse da cantidade de memoria que utilizamos nas mensaxes publicitarias e a potencia dos mundos que estas constrúen. Nicolás Schmerkin, un dos produtores, fundador do estudo realizador Ludovic Houplain, que recibiu o Oscar á mellor curta en 2010, é un arxentino que vive en Francia.

8 de Marzo. Día da Muller Traballadora. Somos máis que caras

E para culminar os materias elaborados para esta conmemoración que este curso decidimos traballar moi especialmente, queremos presentar este documento aos lectores de Mesturas.

A creación destas caras pintadas sobre unha placa metálica con pintura cerámica correu a cargo dun grupo de mulleres: alumnas,  nais, profesoras...

Algunhas foron elaboradas nas casas, sacando un pouco de tempo das tarefas cotiás.
Outras na biblioteca do instituto, nun pequeno obradoiro despois da xornada laboral.

Todas serán sorteadas como parte das múltiples actividades en torno ao Día da Muller Traballadora que este curso celebraremos o LUNS 14 DE MARZO

Serán un  agasallo para o noso alumnado e tamén pretenden ser unha pequena homenaxe a todas as mulleres que a diario asumen e crean novas tarefas e espazos de visibilidade.   
Grazas moi especiais a Carmen Pernas que ten o don de espertar ao artista que habita en cada persoa.

Grazas a todas as creadoras destas caras tan valiosas.

Open publication - Free publishing - More tic

8 de marzo. Día da Muller Traballadora. Mandís

Dificilmente podemos atopar unha peza que simbolice mellor as tarefas domésticas tradicionalmente asumidas polas mulleres que o mandil. Ademais da elaboración de todos os materiais que viñemos expoñendo durante estes días o alumnado de 1º BAC TIC deste curso tivo un reto máis:  converter 26 mandís en mensaxes que conviden a reflexionar sobre roles e estereotipos e poñan en valor as tarefas compartidas. Estes mandís sortearanse entre o alumnado como parte do acto que celebraremos na Biblioteca o luns 14 de marzo.
Todos estes deseños foron executados co programa Fireworks. Todos son orixinais e precisaron de moitas horas de traballo. 

Grazas polo voso esforzo.

 

 

Open publication - Free publishing - More tic

Procesos de alfabetización informática en persoas maiores, especialmente en mulleres.

O que parecía que ía ser un tema algo aburrido ao final resultou ser todo o contrario. Miguel Alonso Pena, Mariña Andón e David Antelo engancharon a toda a audiencia. Falamos dos avós e avoas e o seu comportamento como usuarios das TIC, dos seus temores, as súas dúbidas e  as súas preguntas reflectidas nalgún  vídeo en clave de humor. Pasamos logo a tratar das vantaxes das que os maiores poden gozar cunhas destrezas mínimas. Cun esforzo perfectamente asumible estas persoas poden obter información sobre as súas localidades, a súa contorna ou os seus intereses e afeccións. Falamos tamén da axuda que os netos poden prestar, das características que deben ter os equipos ou os xogos cos que os maiores poden iniciarse e das iniciativas autonómicas ou municipais das que poden beneficiarse. Definitivamente   estamos certos de que a partir de agora os asistentes a esta exposición tentarán botar unha man aos seus avós e avoas con paciencia e sentido do humor, que é a mellor maneira de tender pontes entre as persoas.

MIGUEL ALONSO PENA

MARIÑA ANDÓN

DAVID ANTELO

 

 

Open publication - Free publishing - More ordenadores

Blogs

Non podiamos rematar estas sesións sen falar dos blogs, unha das ferramentas máis populares da web 2.0.  Falamos de Mesturas e aproveitamos a oportunidade para contar o papel que desempeñan os blog en difundir e informar o traballo en rede das bibliotecas escolares galegas. Tamén falamos do seu uso como ferramenta educativa utilizada por algúns docentes porque dadas as súas características son apropiados  para promover o traballo colaborativo entre o alumnado. Ademais o blog pode ser unha opción individual ou colectiva interesante para manter un diálogo constantemente actualizado cos visitantes sobre calquera tema do noso interese. Vimos algunhas das ferramentas que os bloggers utilizan para lograr máis tiron entre os seus lectores. Pedro Gefaell e Iago Félix Solla tiveron   o detalle de crear un blog exclusivamente para a charla e até puidemos ver unhas nocións prácticas de como engadir un gadget pegando unha secuencia de código html ou como utilizar o editor para publicar unha entrada. A ver se alguén se anima.

PEDRO GEFAELL

 

 

 

Blogs on Prezi

Violencia de xénero na rede. Elementos que a impulsan e elementos que a combaten

Probablemente un dos temas máis difíciles de tratar pero que non podiamos pasar por alto nestas charlas. Sorte que Xabier Vilán, Adrián Roo e Silvia Chan, os relatores, case desde o principio deixaron claro os perigos que entrañaba. Tamén previñéronnos contra o enfoque recibido en tantos programas de televisión e mesmo algúns xornais ao caer constantemente no morbo e na difusión de detalles innecesarios. A charla concentrouse nos perigos ocultos do tratamento sexista que ás veces se fai da imaxe das mulleres na publicidade, ou mesmo nos requirimentos para certos postos de traballo. Aínda que aparentemente non hai relación algunha entre estes feitos e a violencia de xénero demostraron que inconscientemente se promove unha actitude cara ás mulleres como cidadás de segunda clase ás que se valora máis polo seu aspecto que por outras capacidades.  vimos tamén todo tipo de asociacións de axuda, teléfonos nos que denunciar situacións de risco  e algunha páxina interesante exclusivamente masculina onde moitos homes queren deixar clara a súa actitude contra actitudes machistas ou de violencia contra as mulleres. Vimos tamén a imaxe das mulleres que se proxecta nalgúns dos videoxogos máis populares e fomos convidados a reflexionar sobre as súas características.

XABIER VILÁR

ADRIÁN ROO

SILVIA CHAN

Sesións do alumnado 1ºBAC TIC na biblioteca. XII. As mulleres e a arte dixital

De novo un tema complexo e conceptual, nada doado de explicar a alumnos e alumnas tan novos. Con todo Uxía Couto, Brais García e Lucía Sobral saíron máis que airosos do reto. Primeiro sorprendéronnos a todos coa estética do fondo dos seus tres glogs, moi adecuada para o contido que nos ían  expor. Empezaron contándonos cales eran os presupostos que definen a arte dixital e quedounos claro que, á parte dos soportes utilizados máis ou menos innovadores e ligados ás novas tecnoloxías, estas creacións fannos reflexionar sobre o propio concepto de arte. Seica o alumnado asistente escoitou por primeira vez que a arte dixital permite acceder e crear obras de arte fóra das canles habituais e non depende para a súa creación, exhibición e goce exclusivamente de museos e galerías. A continuación, como xa ocorreu en días anteriores coa exposición do tema sobre Ciberfeminismo , vemos a conexión entre arte dixital e reivindicación destes novos espazos de visibilidade por parte das mulleres ao utilizar estas ferramentas para crear as súas propias manifestacións artísticas e non limitarse só a pousar como modelos como viña ocorrendo na maioría dos casos noutras manifestacións artísticas máis tradicionais e menos trasgresoras. Recomendamos especialmente que visitedes o seu traballo, os vídeos e algunhas das moitas galerías virtuais propostas.

UXÍA COUTO

BRAIS GARCÍA

LUCÍA SOBRAL

Sesións do alumnado 1º BAC TIC na Biblioteca. XI. Google

Despois de que cada uns dos grupos de 4º ESO asistisen dúas veces a estas sesións durante a semana pasada, agora é a quenda dos máis pequenos. Iniciamos as sesións esta mañá con Google como tema central. Primeiro Daniel e Manuel describiron brevemente as ferramentas que ían utilizar para a exposición dos seus materiais: unha ampla exposición que se apoiaba no uso de dous glogs e tamén en Issuu e Vuvox.  Logo pasaron directamente a falarnos do omnipresente e todopoderoso Google a quen, con todo, poderiamos sacar moito máis partido se o soubésemos “espremer” mellor. Esperamos que despois da charla de hoxe os asistentes sexan capaces de efectuar procuras máis precisas, e tamén coñecer todos os servizos deste potente motor de búsqueda:  gozar das delicias de Google Art, explorar con Google Maps. ou botar unha ollada a Google Books e isto son só algúns exemplos. Preferides saber inmediatamente a equivalencia entre dúas  moedas de países diferentes ou dispor dunha calculadora sempre a man?. A partir de hoxe xa sabedes como.

DANIEL DE LA TORRE

MANUEL COUTO

.

Open publication - Free publishing - More google

..

 

Sesións do alumnado 1º BAC.TIC na biblioteca. X. Traballo colaborativo.

Vivimos en tempos cambiantes: cambian as familias, a sociedade, as demandas laborais son cada vez máis complexas, os colexios, institutos e universidades xa non son o únicos lugares onde se pode adquirir coñecemento. A cantidade de información que flúe e que debemos aprender a xestionar é inxente. Non podemos abarcala de forma individual. Hai que repartir tarefas, organizar o traballo, suplir as deficiencias e potenciar as destrezas individuais aunando esforzos e creando espazos de colaboración. Por suposto que ademais hai ferramentas que nos axudan neste propósito como Google Docs, como Diigo, que xa analizamos o outro día, e como tantas outras ferramentas da chamada rede 2.0.  Ao escoitar a Sara e Mimi pensamos que dificilmente se poderá exemplificar mellor o que é o traballo colaborativo. Sara e Mimi non eran amigas antes de empezar este proxecto, apenas se coñecían. Mimi aínda ten dificultades co idioma. Aínda así foron capaces de traballar xuntas e colaborar para poder rematar  e presentar estes materiais. Como debe ser. Toda unha lección.

SARA SERTAL

ZIQIU ZHANG

Open publication - Free publishing - More traballo

Sesións do alumnado 1º BAC. TIC na Biblioteca. IX. Tipos de licencias

Tampouco Pablo e Verónica descoidaron nin moito menos a estética e decidiron simbolizar a creatividade na rede con este fondo de xardíns virtuais nos seus glogs onde todos podemos coller e sobre todo plantar as flores das nosas creacións. Porén non sería rigoroso deixar de falar nestas sesións que nos ocupan do espinoso tema dos dereitos de autor. Insistiron moi oportunamente na necesidade de respectar a autoría dos materiais que empregamos de cotío con demasiada desenvoltura. Sabedes que é o Copyright? e o Copyleft?. E unha licenza de Creative Commons?. De verdade que se tedes algunha dúbida o video de Pablo vaivos ser de moita utilidade. É moi ameno e instructivo. O glog de Verónica é unha fonte inmensa de imaxes que poidedes utilizar sen ningún tipo de problema nos vosos traballos e exposicións. Ademais temos que agradecerlle un documento Issuu realmente precioso onde nos explica a correcta utilización das imaxes baixo licenzas de Creative Commons.

Grazas rapaces. Se non somos coidadosos nestes temas non será, a partires de agora, por falta de información.

.

PABLO DÍEZ

VERÓNICA DO AMARAL

Open publication - Free publishing - More internet

Sesións do alumnado 1º BAC TIC na Biblioteca. VIII. Ciberfeminismo.

Un dos temas máis complexos e conceptuais este que Pablo e Carolina tiveron que defender hoxe ante os seus compañeir@s. Saíron máis que airosos e tras unha introdución moi amena na que falaron da orixe dos movimentos feministas abordaron sen complexos o tema do Ciberfeminismo. Coma se estiveran nun territorio completamente familiar o auditorio comezou a escoiotar explicacions moi claras e precisas sobre o Cyborg, o grupo de arte Venus Matrix e a orixe australiana deste activo movemento social feminista que dende principios dos noventa propón que as mulleres sexan consumidoras e produtoras de ferramentas dixitais para promover a abolición de sistemas bipolares baseados nos sempiternos sistemas patriarcais. 

Non vos perdades o documento Prezi de Carolina porque é simplemente magnífico.

.

PABLO PASTOR

CAROLINA SANMARTINO

CIBERFEMINISMO on Prezi

Sesións do alumnado 1ºBAC.TIC na Biblioteca. VII. As mulleres no mundo das empresas da computación e das TIC.

 

Un pracer escoitar a Carmen, Jaime e Alejandro falar do papel das mulleres  neste mundo que a miúdo relacionamos cos homes especialmente en sus postos máis altos. Moi ilustrativa a primeira parte onde aprendimos moitísmo das pioneras como Ada Lovelace, muller de coñecementos avanzadísimos para a súa época onde os roles femininos estaban terriblemente restrinxidos.  Tamén escoitamos falar da labor das operarias do Eniac o primeiro e enorme computador construido en Pensilvania, mentras que os postos de maior relevancia e responsabilidade eran ocupados na practica totalidade por homes. Porén,  pouco a pouco as mulleres van ocupando espazos neste ámbito e van imprimindo o seu particular selo en todas as áreas. Os respopnsables deste traballo tan ben documenrtado interiorizaron perfectamente o concepto e non se limitaron a recitar unha lista de nomes de mulleres relevantes, senon  que fixeronnos compartir o longo e difícil camiño percorrido ata as xoves e glamurosas deseñadoras dos populares videoxogos da actualidade. Un traballo completísimo, con fotos ben interesantes, videos moi ilustrativos e, por se fora pouco, dous documentos Issuu que contemplamos encantad@s.  Podedes estar orgullosos do esforzo realizado.

 

 

ALEJANDRO MASEDA

CARMEN COUTO RODRÍGUEZ-PEDROSA

JAIME  PASTOR

En dous destes glogs tedes estes documentos Issuu para resumir e dar algunah información máis precisa sobre algún aspecto en concreto.

Open publication - Free publishing - More mulleres

Open publication - Free publishing - More tic

Sesións do alumnado 1ºBAC TIC na Biblioteca.VI. Precaucións na rede

  Berta e Miguel prepararon a conciencia un dos temas de máis interese para o seu público: as precaucións que debemos tomar na rede para poder sacar o maior proveito de todos os servizos minimizando os riscos tanto para nós como para os nosos equipos. Alguén le algunha vez as condicións de uso que a miúdo firmamos e aceptamos sen botar unha ollada cando abrimos unha conta nunha determinada rede social?. Somos plenamente conscientes do tipo de perfil virtual que imos configurando pouco a pouco con imaxes nosas das que seica preferiríamos prescindir no futuro?

Queredes saber a diferencia entre vermes e troianos e en que medida poden ser perxudiciais para os nosos equipos e que o software malicioso entra facilmente a través do noso correo? Sabes que o teu USB é especialmente vulnerable e como o podes protexer?

Grazas a Berta e Miguel temos toda esta información ben organizada e lista para servirnos de axuda.

BERTA REDONDO GONZÁLEZ

MIGUEL LATAS

 

virus on Prezi

Open publication - Free publishing - More tic

Sesións do alumnado 1º BAC TIC na biblioteca. V.Software libre e propietario

Unha sesión imprescindible a de Alexandre Couto mais Antonio Castro se queremos ter algúns conceptos claros: Software, Hardware, Adware, Shareware, Malware… esperamos que os asistentes á exposición de hoxe teñan todos estes términos ben definidos de agora en adiante. A verdade é que foi moi interesante. Escoitamos, por exemplo, importantes matizacións á hora de diferenciar entre software libre e software gratuito, producidas pola duplicidade do vocablo inglés “free” que ten ambos significados. Os glogs elaborados por estes dous alumnos almacenan unha completa información sobre o tema tratado e poñen ao dispor de todos os visitantes de Mesturas algunas ligazóns ben escollidas e tamén un par de videos moi didácticos e entretidos que facilitan moito a comprensión destes termos que, as veces, fannos sentir un pouco confusos. O alumnado asistente pasou un rato máis que divertido coas ocorrencias dalgún dos ponentes. Obxectivo conseguido mozos. E non era doado.

.

ALEXANDRE COUTO ESCOBAR

ANTONIO CASTRO CARPINTERO

Sesións do alumnado 1º BAC TIC na biblioteca. IV. Internet e a situación das mulleres en contextos de represión e illamento.

Hoxe estaba a biblioteca practicamente ao completo coa presenza de dous grupos de alumnado de 4º ESO. Unha audiencia tan numerosa sempre impón e supón unha dificultade engadida para os responsables de calquera exposición. Con todo Diego Baqueira, David Domíngez, Alicia Cores e Javier García non tiveron demasiados problemas en captar a atención dos seus compañeiros e compañeiras ao falar da situación das mulleres en contextos de represión e aillamento. Un traballo moi completo e coidado que até se apoiaba no deseño estético do fondo dos glogs, o mesmo para todos. O grupo decidiu utilizar a imaxe que podedes ver para simbolizar o illamento destas mulleres ás que a rede brinda unha oportunidade extraordinaria para mellorar a súa visibilidade. O traballo incide en aspectos tan interesantes como a restrición dos espazos aos que estas mulleres teñen acceso a pesar de, en moitos casos, a súa formación e o seu elevado nivel económico . Falouse da importancia, ás veces relativa, do veo. Comentouse que moitas delas non o ven como o maior dos seus problemas a pesar dos intensos debates que o seu uso provoca nas nosas culturas. Sobre todo incidiuse no feito de que hai colectivos de mulleres que non responden exactamente ao papel de vítimas pasivas que a miúdo lles asignamos. Mesmo en contextos tan hostís como Afganistán, hai organizacións tremendamente activas de mulleres que se organizan e loitan e fan da rede unha aliada imprescindible para darse a coñecer.
Tras centrar o tema os alumnos relatores de hoxe entraron con máis detalle nos casos particulares da activista chinesa Liu Xia e a Asociación  Revolucionaria de Mulleres Afganas RAWA. para eXemplificar o anteriormente exposto. Por último queremos resaltar un excelente sumario utilizando de novo a ferramenta Vuvox como soporte.

DIEGO BAQUEIRO FARIÑA

DAVID DOMÍNGUEZ VIVAR

ALICIA CORES BARTOLOMÉ

JAVIER GARCÍA ALVAREZ

Sesións do alumnado 1º BAC TIC na Biblioteca. III Repercusión das TIC no mundo do traballo e as mulleres.

Non foi un tema doado o que tiveron que traballar Fernando Gefaell Silvia Chan e Paula Cabeza.
Houbo ademais  algunha  pequena incidencia na organización da sempre complexa cuestión dos horarios cando están implicados varios grupos de alumnado. Esta foi a razón pola que Silvia e Paula non puideron estar presentes na exposición do tema que traballaron conxuntamente con Fernando e foi el quen tivo que expoñer o resultado das súas pesquisas ante os compañeiros de 4º ESO. Fernando falou moi convincentemente e fixo que tod@s reflexionaramos sobre aspectos tan interesantes como:

• A perda da separación do lugar de traballo e lugar de descanso. As repercusións sobre a organización das tarefas do fogar e a familia. 
• A deslocalización das empresas.
• As condicións laborais que implican as retribucións por obxectivos.
• As dificultades que supón a simultaneidade do traballo: o doméstico máis o profesional.
• As dificultades de relación co resto de traballador@s

Aínda que por suposto  tamén hai moitísimas facetas positivas como a facilidade de organización e obtención de axudas que as ferramentas dixitais supoñen para as mulleres, especialmente en determinados contextos e a maior oportunidade de obtención de mellores postos de traballo, mesmo en altos niveis de responsabilidade que ata agora non tiñan acadados.

Houbo unha información máis detallada sobre o acceso as TIC de colectivos de mulleres mexicanas e tamén referencias ao interese nestas ferramentas por parte dalgunhas asociacións de mulleres xitanas.

FERNANDO GEFAELL VALCARCE

SILVIA CHAN VÁZQUEZ

PAULA CABEZA RAMOS

Sesións do alumnado 1º BAC TIC na Biblioteca. II Fenda dixital

Hoxe tivemos a sorte de escoitar a Sergio Cano e a Pablo Acuña falar da fenda dixital en relación ao diferente grao de desenvolvemento e tamén en relación ao xénero. O concepto quedou perfectamente claro ante os seus compañeiros e compañeiras que escoitaron moi atentamente e fixeron preguntas sobre varias cuestións, por exemplo o significado da expresión “linguaxe inclusiva” que deu pé a facer algunha reflexión sobre o uso inconsciente que a miúdo facemos das palabras. Soubemos das diferencias en competencias dixitais e as súas implicacións entre  diferentes países e mesmo entre zonas próximas do mesmo país. Sergio máis Pablo foron moi aplaudidos. Quedamos con desexos de máis.  Utilizaron Glogster e Vuvox como ferramentas para a súa exposición. Parabéns rapaces.

PABLO ACUÑA RODRÍGUEZ

SERGIO CANO ANTÓN

 

Queremos destacar moi especialmente o documento elaborado por Pablo Acuña  utilizando Vuvox como soporte e que vos invitamos a visitar.

Sesións do alumnado 1º BAC TIC na Biblioteca. I Marcadores sociais. Plataforma Diigo.

    Iniciamos un curso máis a serie de sesións protagonizadas polo alumnado 1º BAC TIC que comezan a ver os froitos de meses de esforzo e xa son quen de amosar os primeiros resultados aos compañeiros de cursos inferiores. Nesta ocasión asistimos á primeira sesión na que  alumnado de 4º ESO puido aprender que as redes sociais son ferramentas moi útiles non só para quedar enganchados ao Tuenti ou ao Facebook senón para compartir información, suliñar páxinas interesantes en rede ou intercambiar materiais co profesorado. Ata esta mañá case ninguén sabía o que era Diigo; tampouco Glogster ou Prezi. Agora xa o saben.  Nestes glogs elaborados polos dous alumnos que explicaron moi convincentemente a utilidade das redes sociais aos seus compañeiros, podedes ver a calidade do traballo realizado. Grazas pois a este grupo de alumnos e alumnas por participar nesta actividade da que todos aprendemos tanto de todos. Seguiremos publicando durante estes días os materiais expostos.

.

.

JUAN PEDRO VIDAL LÓPEZ

FERNANDO SÁNCHEZ VÁZQUEZ