Wednesday 28 November 2012

AID, rap na Biblioteca

Aid, a rapeira, estivo no noso centro.

Grazas á Concellaría de Normalización Lingüística de Pontevedra que promoveu este obradoiro de rap. Falou cos rapaces e rapazas da historia do rap, de como se foi espallando e do seu significado.

Foron dúas sesións seguidas na Biblioteca.

Máis adiante haberá un recital para o alumnado de todos os centros pontevedreses que participaron nos obradoiros.

Aquí podedes escoitar o boa que é AID. Seguro que o concerto é un  exitazo.

stig-greve-2

 stig-greve-2

 Ou tamén podedes botar unha ollada aos seus videos

 

 

stig-greve-2

Sunday 25 November 2012

25 NOVEMBRO. DÍA INTERNACIONAL CONTRA A VIOLENCIA DE XÉNERO

Ante a dificultade de abordar, un ano máis, un tema tan complexo como este, preferimos tomar prestadas varias voces máis autorizadas ca nosa. Queremos destacar en primeiro lugar os elementos gráficos do documento que vos presentamos, e que nos impactaron pola súa calidade. Son obra das artistas que participan no evento “Off the beaten path”, que propón unha reflexión sobre as causas últimas da violencia en diferentes culturas. Algúns dos traballos que aparecen no documento forman parte desta exposición. Outros non están incluídos na mostra, pero o que vimos gustounos tanto, que procuramos máis información das participantes e atopamos algunha que outra xoia, como podedes ver. No documento figuran os nomes de todas e cada unha das autoras.
Os textos están inspirados en dosieres da organización GBV, que traballa principalmente con colectivos africanos. Parecéronnos interesantes porque reflicten á perfección que cando unha sociedade xera violencia, esta afecta e prexudica individualmente a todos os seus membros e á comunidade mesma como ente social. 

 

 

 

Suzanne Vega. Luca

 

Nesta desoladora e maxistral composición de Suzanne Vega, que é o fondo musical das diapositivas, aparece o complexo tema da violencia agochada na intimidade das familias. Neste caso a vítima é un neno, o viciño do segundo, que compón o inesquecible retrato de toda persoa maltratada: baixa autoestima: "a culpa é miña, son tan torpe..." "cando choro, xa non pegan máis". Tamén aparecen sentimentos de aillamento e soidade: "non preguntedes, non é asunto voso".

 

My name is Luka
I live on the second floor
I live upstairs from you
Yes I think you've seen me before

If you hear something late at night
Some kind of trouble. some kind of fight
Just don't ask me what it was

I think it's because
I'm clumsy
I try not to talk too loud
Maybe it's because I'm crazy
I try not to act too proud

They only hit until you cry
After that you don't ask why
You just don't argue anymore

Yes I think I'm okay

I walked into the door again
Well, if you ask that's what I'll say
And it's not your business anyway
I guess I'd like to be alone
With nothing broken,
nothing thrown

Just don't ask me how I am

My name is Luka
I live on the second floor
I live upstairs from you
Yes I think you've seen me before

If you hear something late at night
Some kind of trouble, some kind of fight
Just don't ask me what it was

And they only hit until you cry
After that, you don't ask why
You just don't argue anymore

Sunday 18 November 2012

Visitamos Rianxo

Organización:

  • Departamento de Lingua Galega e Literatura.
  • ANPA O Verxel
  • Colaboración: Vicedirección, Biblioteca.

A visita foi posible grazas ao concello de Rianxo. O noso agradecemento para o Sr. Alcalde que agardou para nos saudar, para Don Fernando Lavandeira que organizou e coordinou toda a visita, para os dous guías que nos acompañon en todo momento cos seus comentarios. E especialmente para o Profesor Don Xosé Luís Axeitos pola súa completa e datallada explicación no Museo de Manuel Antonio.

Desenvolvemento:

Ao baixarmos do autobús xa nos estaban agardando os guías do Concello. Un grupo comezou a visita polo Museo do Mar e da Pesca, o outro polo Museo de Manuel Antonio. Despois a visita continuou polas rúas e prazas da Vila de Rianxo. Finalmente o alumnado dispuxo dun anaquiño para dar unha volta e repoñer forzas nalgunha cafetaría.

Choveu a noite anterior e continuou á tarde, pero esa mañá en Rianxo luciu o sol. Foi unha mañá perfecta.

Profesorado acompañante: Mª Rosario Sánchez-Gabriel, Xosé Luís Janeiro, Anxo González.

ALGUNHAS LIGAZÓNS DE INTERESE

Wednesday 14 November 2012

Monday 12 November 2012

FACER ARTE PARA LER O MUNDO. IV XORNADAS DAS BIBLIOTECAS ESCOLARES DE GALICIA

Os días 9 e 10 de novembro de 2012 tiveron lugar, en Santiago de Compostela (Palacio de Congresos), as IV XORNADAS DE BIBLIOTECAS ESCOLARES DE GALICIA, cita anual do colectivo de profesores e profesoras comprometidos coa biblioteca escolar e a lectura nos centros públicos galegos. O noso centro foi convidado a participar para expoñer algúns materiais que viñemos elaborando ao longo destes últimos cursos. “Facer arte para ler ou mundo” que foi o título da nosa charla, serviu para facer un percorrido xunto aos asistentes á mesma e repasar brevemente proxectos inesquecibles como os traballos realizados para o Salón do Libro, as actividades en torno ao proxecto “Máis que Caras” coa exposición dos mandís realizados polo alumnado TIC e os obradoiros de esmaltes para nais e profesoras. Falamos, como non do proxecto do curso pasado en torno á memoria e as lembranzas que tiña o lema “Somos o que lembramos e tamén o que esquecemos. E por suposto estivo presente o noso marabilloso mural da biblioteca que por fin remataremos este curso.

Fai clik na imaxe

Non esquecemos as instalacións no vestíbulo cos deseños gráficos que Jaime Eizaguirre Santillán, ex alumno do noso centro, realizou para as campañas de lectura compartidas con máis de 100 centros de toda a comunidade.
É tanto o que temos que aprender das habilidades que aportan as ensinanzas artísticas: conéctannos de novo coas emocións, ensinándonos a aprender dos nosos erros, posibilitan respostas diferentes ante unha mesma proposta de reflexión, facilitan espazos onde de novo son posibles a maxia, a sorpresa e o asombro. Todo iso e moito máis aprendemos nos múltiples traballos que foron agromando ao longo de todos estes cursos e que tanto aportaron á nosa comunidade educativa.
Ningunha delas tería sido posible sen a presenza da nosa querida compañeira Carmen Pernas á que todos valoramos tanto polo seu talento e a súa inesgotable xenerosidade.

Grazas Carmen e grazas a todos os que fixeron posibles estes proxectos que podedes ver nesta breve escolma.

Charo Sánchez-Gabriel
Coordinadora da Biblitoeca Escolar. IES Sánchez Cantón

Tuesday 6 November 2012

A escala do universo: Unha viaxe interactiva

Cary e Michael Huang fan esta insólita proposta de viaxe dende as partículas máis diminutas ata os límites do universo coñecido.
Tarda un pouco en cargar pero paga a pena.
Podedes activar a ferramenta para facer a viaxe en español. Se facedes clik nos obxectos podedes ampliar a información.

Espectacular

univrso

E tamén é interesante este zoom cósmico que ten básicamente o mesmo propósito.

Monday 5 November 2012

Datos complexos, imaxes sinxelas

As estatísticas mudan pero determinados escenarios tenden a permanecer. Hai millóns de persoas que pasan fame mentres  outras se alimentan de forma abundante e saudable. Mentres unhas familias choran aos seus mortos, outras celebran o comezo dunha nova vida. Tobi Ng, o deseñador de 100 World Postcards converte o mundo nun pequeno pobo de 100 habitantes. No seu proxecto pretende visualizar a e distribución dalgunhas necesidades básicas como a auga, o aire, a educación, a liberdade…
Será curioso ver que tipo de postais poderíanse facer dentro de, digamos 50 anos. Ao paso que imos seguro que haberá cambios substanciais nalgúns temas.
Atopamos a información en :
Graphic Design Blog.
Fonte orixinal
Encantounos.

Sunday 4 November 2012

Necroturismo

Lemos en varios xornais durante estes días a tendencia dun interese crecente pola actividade coñecida como «necroturismo», esta alternativa para o tempo de lecer, cunha arraigada tradición noutros países de Europa, invita aos participantes a percorrer os cementerios para descubrir o patrimonio artístico, arquitectónico, histórico e paisaxístico que atesouran.  
Necroturismo en ABC.es
El Correo.com
Por se queredes botar unha ollada á Ruta a dos Cemiterios Europeos
En Praza Pública
Unha ducia de camposantos galegos
E aquí unha escolma dalgúns dos máis recomendados

Skogskyrk Grav 2006
Skogskyrkogården (Estocolmo, Suecia)
Cimetière des Chiens et Autres Animaux Domestiques
(Asnières-sur-Seine, Francia)
Niembro (Llanes, España)
Père-Lachaise (París, Francia)
Abney Park (Londres, Reino Unido)
Laeken (Bruselas, Bélgica)
Old Jewish (Praga, República Checa)
Cemiterio da Fin do Mundo. Fisterra (Coruña)

Saturday 3 November 2012

La Catrina. Méjic0

Invadidos como estamos por prácticas inspiradas en Halloween , a miudo esquecemos considerar outras celebracións dun gran interese antropolóxico como o Día dos Mortos en Méjico onde se honra aos mortos combinando antiquísimos rituais aztecas coa tradición católica,

As casas, as igrexas e sobre todo os cemiterios vístense de laranxa e morado e ilumínanse con centos de velas para festexar o suposto retorno dos seres queridos que xa non están. A esencia da celebración é celebrar o tempo que estas persoas estiveron connosco con comida, bebida e actividades das que  eles gozaban en vida. Durante estes días do mes de novembro  forman parte de novo da comunidade e non lles gusta estar rodeados de bágoas, queixumes e excesiva tristeza. É unha celebración agridoce que recoñece  a morte como parte da experiencia humana, como continuación e culminación do ciclo do nacemento, a infancia e a madurez. Salienta os vínculos das persoas coa súa contorna e ten como principal símbolo a caveira.  que aparece en múltiples formatos: doces, debuxos, mascaras, bonecas…  Comunmente son representadas en actitudes divertidas, gozando dos praceres da vida.  As catrinas, unhas das máis populares, están inspiradas na obra de Jose Guadalupe Posada  , que logo retomaría Diego Rivera na súa popular obra “Soño dunha tarde de domingo na Alameda”.  As catrinas aparecen vestidas como elegantes damas da alta nobreza de principios do século 20.

Convidámosvos a ver  a escolma de imaxes e posteriormente escoitar, “La Guapachosa” , canción dedicada á morte onde se reflicten perfectamente os elementos que acabamos de comentar.

 

Jose Guadalupe Posada's original 'La Calavera Catrina,'  1910.

Diego Rivera Soño dunha tarde de domingo na Alameda”. 

Ricardo Espinosa / Mexico Tourism Board Photo

Photo: Christine Delsol, Special To SFGate
Tomascastelazo, Wikipedia / SF
Museo de la Catrina Saltillo Coahuila

Museo de la Catrina Saltillo Coahuila

Friday 2 November 2012

Danzas da morte

Xa hai tempo que desexabamos retomar a actividade en Mesturas e aproveitando as celebracións destes días animámosvos a que gozedes destas ilustracións que atopamos en BibliOdissey. Parece que estas imaxes  son a representación visual máis antiga das chamadas Danzas da Morte. Este tipo de ilustracións aparece por primeira vez en Francia para plasmar dunha forma gráfica os devastadores efectos da peste.  A escolma  que aquí vedes están coloreadas a man e realizadas en Alemania entre 1455 e 1458. Como é de esperar móstrannos o tradicional e indiscrimando desfile de vítimas: nais e fillos, cregos, cabaleiros, nobres e monarcas. A idea é que quede moi clara a mortalidade do xénero humano. 

 

Totentanz blockbook v

Totentanz blockbook x
Totentanz blockbook w
Totentanz blockbook u
Totentanz blockbook s
Totentanz blockbook q
Totentanz blockbook o
Totentanz blockbook n
 
 
 
 
 
 
 

Related Posts with Thumbnails