Thursday 20 September 2007

¡ Qué blanca más bonita soy !

Queremos falarvos hoxe dun excelente relato que trata dun tema inusual: a escravitude. En ningún momento ten o lector adulto a sensación de estar ante unha peza prefabricada, de escaso valor literario, composta para defender determinados valores ante os supostos novos lectores. O tema está exposto dende o punto de vista do opresor, a opresora, neste caso: unha nena que entra na adolescencia nunha sociedade en que todo transcorre cunha lentitude exasperante e os poucos, pero intensos acontecementos, sacoden o lector como lategazos.

Novela moi curta que se le dun tirón e é, na nosa opinión, extraordinaria e moi diferente aos libros que acostuma ler a rapazada; exemplifica perfectamente como a forma narrativa pode determinar a calidade do contido e como a boa literatura pode estar ao alcance de calquera.


Qué blanca más bonita soy de Dolf Verroen recibiu, entre outros, os seguintes galardóns:
- Premio Alemán de Literatura Infantil 2006
- Premio da Paz Gustav Heinemann para Libros Infantís 2006
- Luchs des Monats (Lince do Mes) do semanario Die Zeit e Radio Bremen
- Eule deas Monats (Curuxa do Mes), do Bulletin Jugend & Literatur (Boletín Xuventude e Literatura).
- Die Besten Sieben( Os Sete Mellores) de 2006, de Deutschlandfunk ( Radio Alemaña) .

1 comment:

Ronsel said...

Vale Charo, que non vou dar feito a ler... a si, que este ano teño moito tempo!!!

Related Posts with Thumbnails