Cantosnamaré

Como proposta para o sábado e por se alguén se anima a vir a Pontevedra, mañá día 15 hai un concerto de Cantos na Maré, que como sabedes pretende trazar un mapa común entre os diversos territorios da lusofonía a base de ritmos, sons e melodías. Interveñen, Uxía e Mercedes Peón ás que tod@s coñecemos e tamén por Brasil Ceumar, Nancy Vieira de Cabo Verde, Paulo Flores de Angola e JP Simoes de Portugal.
Xa non é posible adquirir entradas por venda anticipada pero aínda tedes o sabado de 11,00 a 14,00 no Teatro Principal e de 19,30 ao comezo do espectáculo no Pazo da Cultura.

Son 11 euros. Animádevos que promete ser interesante.